Гимн

Сунтаар улууһун өрөгөйүн ырыата

 

Михалева Наталья Владимировна – Сайа тыллара,

Герасимов Кирилл Афанасьевич мелодията.

 

Үс саха үөрүүтүн үксэтэ,

Үйэлээх үгэһи үрдэтэ,

Үс Бүлүү кэскилин кэҥэтэ,

Үлүскэн үлэнэн киэргэтэ.

 

Хос ырыата:

Өрүүтүн сүрэхпэр эн сандаар,

Олоҥхо дойдута – бу Сунтаар!

Киэн тутта эйигин ааттыыбыт,

Аар баҕах сэргэҕэр түмсэбит.

 

Кыыл Уолун алгыстаах тойугар

Сарсыҥҥы сарсыарда хоһуллар,

Бу дьоллоох туонабыт үрдүгэр

Уйгулаах олохпут түстэнэр.

 

Хос ырыата:

Өрүүтүн сүрэхпэр эн сандаар,

Олоҥхо дойдута – бу Сунтаар!

Киэн тутта эйигин ааттыыбыт,

Аар баҕах сэргэҕэр түмсэбит.

 

Уол оҕо туйгуна үөскүөҕэ –

Самныбат саргыгын салгыаҕа,

Кыыс оҕо кэрэтэ иэйиэҕэ –

Сулустаах халлааҥҥар сырдыаҕа.

 

Хос ырыата:

Өрүүтүн сүрэхпэр эн сандаар,

Олоҥхо дойдута – бу Сунтаар!

Киэн тутта эйигин ааттыыбыт,

Аар баҕах сэргэҕэр түмсэбит.

Файлы: